Հայաստանի ֆուտբոլի ազգային հավաքականի և «Կրասնոդարի» կիսապաշտպան Էդուարդ Սպերցյանը կարիերան կշարունակի Սաուդյան Արաբիան ներկայացնող «Ալ-Ահլի»-ում։ Այս մասին տեղեկացրել է հայտնի մարզական լրագրող և ինսայդեր Ֆաբրիցիո Ռոմանոն։ Տրանսֆերի արժեքը կկազմի 25 միլիոն դոլար։ Սպերցյանը 26 տարեկան է և հանդիսանում է «Կրասնոդար» ակումբի սան։ Նա թիմի հետ միասին 2024/25 մրցաշրջանում դարձել է Ռուսաստանի չեմպիոն։ Ավարտված մրցաշրջանի արդյունքներով Ռուսաստանի Պրեմիեր լիգայում կիսապաշտպանը կատարել է 16 գոլային փոխանցում՝ կրկնելով արդյունավետ փոխանցումների ռեկորդը։ Նրա հաշվին նաև 13 խփած գոլ կա։