Սեպտեմբերի 21-ին նախատեսվում է ՄԱԿ-ի Անվտանգության խորհրդի նիստ՝ նվիրված Լեռնային Ղարաբաղում տիրող իրավիճակին. աղբյուր
22:44 | 2023-09-19
Սեպտեմբերի 21-ին նախատեսվում է ՄԱԿ-ի Անվտանգության խորհրդի նիստ՝ նվիրված Լեռնային Ղարաբաղում տիրող իրավիճակին։ Այս մասին ՏԱՍՍ-ին հայտնել է ՄԱԿ-ի իր աղբյուրը։
«Հանդիպումը պետք է կայանա հինգշաբթի օրը»,- ասել է գործակալության զրուցակիցը։ Սպասվում է, որ հանդիպումը կկայանա Նյու Յորքի ժամանակով կեսօրին։
Այս օրերին ՄԱԿ-ում անցկացվում է ՄԱԿ-ի Գլխավոր ասամբլեայի բարձր մակարդակի շաբաթը, ուստի հանդիպմանը կարող են մասնակցել մի քանի պատվիրակությունների ղեկավարներ։