Պատրուշևն ու Վան Յին բանակցություններ են վարում
19:00 | 2023-09-19
Մոսկվայում սկսվել են ռուս-չինական խորհրդակցությունները ռազմավարական անվտանգության վերաբերյալ։ Այդ մասին հայտնում են ՌԴ անվտանգության խորհրդից․
«Երկու երկրների գերատեսչությունների ներկայացուցիչների մասնակցությամբ հանդիպումները վարում են ՌԴ անվտանգության խորհրդի քարտուղար Նիկոլայ Պատրուշևը և Չինաստանի կոմկուսի կենտկոմի քաղբյուրոյի անդամ, կենտկոմի արտաքին հանձնաժողովի ղեկավար, ԱԳ նախարար Վան Յին»,- ասված է հաղորդագրության մեջ։
Սա Ռուսաստանի և Չինաստանի միջև նման խորհրդակցությունների՝ արդեն 18-րդ փուլն է։