Ռուսաստանում այսօր մտածում են՝ արդյոք Հայաստանում եվրոպական նոր առաքելությունը կհանգեցնի՞ իրավիճակի բարդացման։ Այս մասին Մոսկվա-Թեհրան տեսակամուրջի ժամանակ, որի թեման էր «Հարավային Կովկաս. Ռուսաստանի և Իրանի շահերը», հայտարարել է Ռուսաստանի Պետդումայի ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը։ «Մենք ներկայումս գործնականում առճակատման հարաբերությունների մեջ ենք ԵՄ-ի հետ, սակայն սա չի պահանջում որևէ լրացուցիչ ապացույց, կապ ուկրաինական իրադարձությունների հետ։ Ես դեռ որոշակի ողջամիտ զսպվածություն կցուցաբերեի այստեղ, չէի շտապի ավելի վաղ ինչ-որ խուճապ սկսել այս կապակցությամբ»,- ասել է Զատուլինը։ Նրա խոսքով՝ ԵՄ դիտորդների մանդատը բավականին սահմանափակ է․ «Հայաստանի նախաձեռնությամբ նրանց հայտնվելը կապված է Ադրբեջանի ճնշմանը դիմակայելու և այդ ճնշման դեմ պայքարում դաշնակիցներ գտնելու ցանկության հետ»։ «Եվ եթե այսօր ԵՄ-ից պարոնները մտադիր են օբյեկտիվորեն գնահատել Ադրբեջանի պահվածքն այս տարածաշրջանում և այս հիմքով ինչ-որ բան պահանջել, թող պահանջեն։ Եթե ​​ԵՄ դիտորդները ցանկանան փոխել Հայաստանի ներքին ու արտաքին վեկտորը, մենք կընդդիմանանք դրան»,- ասել է Զատուլինը։