ՀՀ-ում ԱՄՆ դեսպանատունը ԱՄՆ քաղաքացիներին հորդորել է խուսափել Հայաստանի որոշ վայրերի այցելությունից: «Մեծ զգուշավորություն դրսևորեք,ՀՀ որոշ մարզեր ունեն մեծ ռիսկեր: Սեպտեմբերի 13-14-ի ռազմական գործողություններից հետո հայ-ադրբեջանական սահմանի հայաստանյան հատվածում արգելված է ԱՄՆ դեսպանատան աշխատակիցների և նրանց ընտանիքի անդամների այցը հետևյալ վայրեր. Տավուշի մարզ Մ4 մայրուղու երկայնքով Իջևանից հյուսիս և բոլոր տարածքները դեպի արևելք Գեղարքունիքի մարզ՝ Սևանա լճից արևելք. Գեղարքունիքի մարզ՝ Սևանա լճից հարավ և Մ 10 ավտոճանապարհից արևելք. Արարատի մարզի՝ Երասխ գյուղ. Վայոց ձորի մարզ Սյունիքի մարզ Հիշեցնենք, որ Լեռնային Ղարաբաղ այցելելը նույնպես արգելվել էր»,-ասված է հաղորդագրության մեջ: