Չեխիայի մայրաքաղաք Պրահայում մայիսի 14-ին բացվել է վրանային քաղաք՝ նախատեսված Ուկրաինայից փախստականների համար, որոնց թիվը երկրում գնալով աճում է: Ինչպես հաղորդում է «ՏԱՍՍ»-ին, այս մասին հայտնում է CTK լրատվական գործակալությունը: Վրանային քաղաքը Պրահայի Տրոյա թաղամասում է: Այն նախատեսված է 150 փախստականի համար: 16 հոգուց բաղկացած առաջին խումբն արդեն բնակեցվել է այնտեղ: Փախստականներին վրանային քաղաքում բնակեցնելու անհրաժեշտությունն առաջացել է մայրաքաղաքում համապատասխան տարածքների քիչ լինելու պատճառով: