Ամերիկյան Facebook ընկերությունը մտադիր է առաջիկա 5 տարում 10 հազար աշխատատեղ ստեղծել ԵՄ երկրներում՝ մետատիեզերքի մշակման նախագծի շրջանակում։ Այս մասին ասվում է ընկերության տարածած մամուլի հաղորդագրության մեջ։ Այդ ներդրումը վստահության քվե է եվրոպական տեխնոլոգիական արդյունաբերության ուժին և տեխնիկական ոլորտի տաղանդների ներուժին։ Facebook-ն աշխատում է վիրտուալ և հավելյալ իրականության նոր հաշվողական հարթակի ստեղծման վրա։ Մշակողների խոսքով՝ նոր տեխնոլոգիաները թույլ կտան համացանցում փոխգործակցությունն առավելագույնս մոտեցնել անձնական շփման փորձին։