Bang & Olufsen ապրանքանիշը ներկայացնում է Beosound Explore երկարակյաց ու անջրանցիկ բարձրախոսը՝ նախատեսված ակտիվ հանգստի սիրահարների համար:
Հարմարավետ ձևն ու քաշը, նաև ներկառուցված կարաբինը սարքը հնարավորինս շարժական են դարձնում: Նրա յուրահատուկ գլանաձև տեսքը՝ որակյալ բարձրախոսների և ուժեղացուցիչների հետ միասին, ապահովում է հզոր
ձայն, որն, ըստ էության, բավական հարմար է բացօթյա խնջույքների կամ արշավների ժամանակ: Անկախ նրանից, թե որքան կտևի ձեր ճամփորդությունը կամ խնջույքը, բարձրախոսի մարտկոցն ապահովում է մինչև 27 ժամ անդադար աշխատանք: IP67 երաշխավորում է ջրակայունությունն ու սարքը պաշտպանում փոշուց, այսինքն բարձրախոսը հեշտությամբ դիմադրում է եղանակային ցանկացած պայմանների: Այն կարող է մեկ մետր ջրի մեջ ընկղմված մնալ մինչև իսկ 30 րոպե:
Bang & Olufsen ապրանքանիշին պատկանող Beosound Explore- ը բարձրախոսների որակյալ համակարգ է՝ սկանդինավյան դիզայնով, երաշխավորում է նաև երկարակեցություն: Շարժական, ամուր սարքը միշտ պատրաստ է ճամփորդությունների:
Beosound Explore- ի հիմնական առանձնահատկություններն են՝
- անոդացված ալյումինե ամուր պատյան
- ձայնի ուղղություն`360 աստիճան
- պաշտպանություն քերծվածքներից, փոշուց և խոնավությունից շնորհիվ IP67 չափանիշների
- մինչև 27 ժամ մարտկոցի աշխատանք
- հարմարավետ ձև և ներկառուցված կարաբին
Ձայն
Սարքը հագեցած է 1.8 դյույմանոց բարձրախոսներով, որը նախատեսված է բացօթյա տարածքում օգտագործելու համար: Շնորհիվ իր գլանաձև պատյանի, DSP ալգորիթմի և True360 տեխնոլոգիայի, բարձրախոսն ապահովում է տարածական հնչողություն և խիտ բասեր: Անկախ նրանից, թե որտեղ է բարձրախոսը տեղակայված, ճամբարի կենտրոնում, թե լեռան գագաթին, ժայռի վրա, կամ էլ կախված է վրանից, միևնույն է Beosound Explore- ն ապահովում է հզոր ձայն: Մարտկոցի 27 ժամյա աշխատանքը թույլ է տալիս սարքն օգտագործել ողջ օրվա ընթացքում, առանց լիցքավորելու:
Հարմարավետ ֆունկցիաներ
Սա շուկայում առկա առաջին բարձրախոսն է, որի ստեղծման համար օգտագործվել է երկրորդ կարգի անոդացված ալյումին `քերծվածքների դիմադրողականության համար, ինչն, ըստ ամենայնի, սարքը կատարյալ է դարձնում ճամփորդելիս:
Պատյանի վերին հատվածում կան ներկառուցված կառավարման կոճակներ, որոնց շնորհիվ կարելի է միանալ , օրինակ, դադարի, միացման կամ էլ՝ ձայնի կառավարման ֆունկցիաներին: Beosound Explore սարքը միանում է Bluetooth 5.2-ի և Apple- ի, Google- ի և Microsoft- ի արագ զուգավորման տեխնոլոգիաների միջոցով: Վերոնշյալ անլար միացումների շնորհիվ կարելի է զուգահեռաբար միացնել երկու բարձրախոս, արդյունքում ստանալով մեկ ամբողջական ստերեո համակարգ:
Դիզայն
Beosound Explore սարքի պարագայում ամեն մանրուք մտածված է: Հարմարավետ ձևի և օպտիմալ քաշի շնորհիվ բարձրախոսը տեղավորվում է ձեռքում, ինչն էլ սարքը դարձնում է շարժական:
Ակուստիկ համակարգի պատյանն ունի ամուր հատակ, հագեցած է ալյումինե կարաբինով, ինչի շնորհիվ սարքը կարելի է դնել ցանկացած մակերևույթի վրա:
Ճկուն և եղանակային ցանկացած պայմաններին դիմացկուն ժապավենը՝ յուրահատուկ ներկառուցված կարաբինային ամրակով, որն, ի դեպ, կարելի է ամրացնել գոտու կամ ուսապարկի վրա՝ հարմարավետ և շարժական է դարձնում սարքը:
Իսկ կառավարման վահանակը նախագծված է բոլոր պայմաններում անթերի աշխատանքի համար՝ լինի ջրում, ավազի վրա, թե՛ աղտոտվածության դեպքում: Չնայած ամուր արտաքին պատյանի, բարձրախոսը թեթև է, կշռում է ընդամենը 631 գրամ, ինչի շնորհիվ ճամփորդությունն անկաշկանդ է դառնում:
Սկանդինավյան լանդշաֆտներին բնորոշ անտառներ, սառցադաշտեր և ֆիորդեր հիշեցնող բարձրախոսը հասանելի է անտրացիտ սև, կանաչ կամ մոխրագույն երանգների մեջ: Ալյումինե պատյանը հաճելի է շոշափել, ունի պարզ , հասկանալի ինտերֆեյս: Առաջնակարգ նյութերի և կոկիկ դիզայնի շնորհիվ Beosound Explore- ը հարմար է ակտիվ կյանքի համար:
Եթե սիրում եք երաժշտություն և բացօթյա հանգիստ (ծով, լեռներ, անտառներ և այլն), արկածներ և ճամփորդություններ, ապա Beosound Explore- ը կատարյալ երաժշտական սարք է ձեզ համար: Այն, վստահաբար կգունավորի ձեր ճամփորդությունը և կպարգևի անմոռանալի երաժշտական պահեր:
Արժեքը՝ 149 000 ՀՀ դրամ
Ներկայացնում ենք Bang & Olufsen- ի մեկ այլ արտադրանք, որը նույնպես կատարյալ է ակտիվ հանգստի և զբոսաշրջության համար: 2 -րդ սերնդի Beosound A1-ը հզոր շարժական բարձրախոս է՝ նրբաճաշակ դիզայնով, նորացված ինտերֆեյսով և բազմաթիվ նոր հնարավորություններով: Ունի կոկիկ, անջրանցիկ պատյան, որը թույլ է տալիս բարձրախոսը ձեզ հետ վերցնել ամենուր: Այն , ի դեպ, տալիս է մինչև 18 ժամ անդադար նվագելու հնարավորություն: Իսկ նման նրբագեղ մոդելի հնչողությունը կգերազանցի բոլոր սպասելիքները: Երկրորդ սերնդի Beosound A1-ը նախորդ սերնդի A1- ից 5% -ով թեթև է և 1 միլիմետրով բարակ: Կորպուսի արտաքին ներքևի հատվածը նախորդից ավելի բարակ է և բարձրախոսին նրբագեղ տեսք է հաղորդում:
Արժեքը՝ 185 000 ՀՀ դրամ
Հայաստանում Bang&Olufsen-ի արտադրանքը կարելի է ձեռք բերել Euroluce և
Vega. Խանութներում:
Bang & Olufsen- ը դասական ապրանքանիշ է, որը հիմնադրվել է 1925 թվականին Դանիայի Ստրուեր քաղաքում: Հիմնադիրները Փիթեր Բանգն ու Սվենդ Օլուֆսենն են, որոնց տեսլականն ու նվիրումը գործին դեռ մնում են ընկերության փիլիսոփայության հիմքում:
Մոտ մեկ դար Bang & Olufsen- ը ընդարձակում է պատկերացումները աուդիոտեխնոլոգիաների մասին, շարունակում մնալ ակուստիկ նորարարության առաջնագծում: Ապրանքանիշի արտադրանքն այսօր էլ մնում է կատարյալ դձայնի, անժամանակ դիզայնի և անգերազանցելի վարպետության ներդաշնակություն:
Ընկերության նորարարական արտադրանքն ամբողջ աշխարհում վաճառվում է Bang & Olufsen խանութներում, bang-olufsen.com կայքէջում և մանրածախ խանութներում:
Ընկերությունն ունի 700 աշխատակից, ապրանքանիշը ներկայացված է ավելի քան 70 շուկաներում, Bang & Olufsen-ի ակցիաները գրանցված են NASDAQ Copenhagen A / S-ում:
Առավել մանրամասն՝ www.bang-olufsen.com կայքէջում
