Շաբաթ օրը, հուլիսի 31-ին Գերմանիայի կառավարության ներկայացուցիչները Դոհայում գաղտնի հանդիպում են անցկացրել «Թալիբան» արմատական ​​շարժման անդամների հետ: Այդ մասին կիրակի հայտնել է Bild թերթը՝ հղում անելով աղբյուրներին: Պարբերականի տվյալներով ՝ բանակցություններին Գերմանիան ներկայացրել է Աֆղանստանի և Պակիստանի հարցերով հատուկ բանագնաց Յասպեր Վիկը: Հանդիպումը անցկացվել է Գերմանիայի դաշնային հետախուզական ծառայության կողմի, որը համաձայնեցված է եղել Միացյալ Նահանգների հետ: Թերթի աղբյուրների համաձայն, քննարկվել են երկրում հումանիտար կազմակերպության գերմանացի աշխատողների անվտանգության երաշխիքների և աֆղանցիների վիճակին վերաբերող հարցերը։ Ընդհանուր առմամբ,ներկայում այնտեղ են գտնվում մոտ 700 տեղացի բնակիչներ, որոնք համագործակցել են գերմանական կողմի հետ, նրանցից մոտ 500 -ը ցանկություն է հայտնել մեկնել Գերմանիա: Bild- ը պնդում է, որ Գերմանիայի ԱԳՆ-ն հաստատել է թալիբների հետ բանակցությունները: Գերատեսչությունը նշել է, որ Վիկը Դոհայում հանդիպումներ է ունեցել ինչպես արմատական ​​շարժման բանակցողների, այնպես էլ Քաբուլի կառավարության ներկայացուցիչների հետ: ԱԳՆ գնահատումներով, նպատակն է հնարավոր ամենակարճ ժամկետում հասնել ներաֆղանական բանակցությունների վերսկսման առաջընթացի և Աֆղանստանում զինադադարի հաստատման։