«Նամախվանի» ՀԷԿ-ի դեմ բողոքի ցույցերի կազմակերպիչներից Վառլամ Գոլեթիանին ասել է, որ Տվիշի գյուղում առճակատում է տեղի ունեցել իրավապահների ու ՀԷԿ-ի կառուցման հակառակորդների միջեւ: Ինչպես հաղորդում է 1tv.ge-ն, Գոլեթիանին հայտնել է, որ «Էնկա» ընկերությունը ոստիկանության օգնությամբ վառելիք է բերել կիրճ, ինչը բողոքել են վրանում գտնվող ակտիվիստները: Նրանք թույլ չէին տալիս բեռնատարը շարժվեր, ինչին հաջորդել է աղմուկ: Նա ասել է, որ այս պահին տեղում հանգիստ է: Ինչպես նշել է Գոլեթիանին, նրանց ակտիվիստների թիվը կավելանա Ռիոնի հովիտը միացնող ճանապարհին: «Մենք զարմանում ենք, երբ վարչապետը մի օր հայտարարում է, որ այս նախագիծը այս տեսքով չի շարունակվելու, և մենք տեսնում ենք, որ մարդկանց արյունոտում են՝ աշխատանքը շարունակելու համար: Մենք կարծում ենք, որ նման քայլերը հասարակության մեջ ավելի մեծ բողոքի կհանգեցնեն»,- ասել է Գոլեթիանին: Հիշեցնենք, որ երեկ Վրաստանի վարչապետ Իրակլի Ղարիբաշվիլին ասել էր, որ ներկայիս պայմաններում «Նամախվանի ՀԷԿ» նախագիծը չի շարունակվի: