Ֆեյսբուքի ղեկավարությունը Ադրբեջանի իշխանությունների հետ կապ ունեցող հազարավոր կեղծ էջեր է ջնջել
10:45 | 2020-10-09
Ավելի քան մեկ տարի տևած հետաքննության արդյունքում Ֆեյսբուքը ջնջել է Ադրբեջանի իշխանությունների հետ կապ ունեցող հազարավոր կեղծ օգտահաշիվներ և էջեր, որոնց թիրախը Ադրբեջանի ընդդիմությունն ու հայ-ադրբեջանական հարաբերություններն են եղել։
Ֆեյսբուքի անվտանգության քաղաքականության բաժնի ղեկավար Նաթանիել Գլեյչերի խոսքով՝ կեղծ օգտատերերի գործառույթը ադրբեջանական և միջազգային լրատվամիջոցներում մեկնաբանություններ տեղադրելն էր, որոնք հիմնականում վերաբերում էին ներքին և տարածաշրջանային իրադարձություններին, կառավարության ներկայացուցիչներին, Հայաստանի և Ադրբեջանի միջև լարվածությանը։ Ընդ որում, այդ ամենը ուղեկցվել է Իլհամ Ալիևի և նրա գլխավորած քաղաքական ուժի գովաբանությամբ։