ԱՄՆ-ը և ՆԱՏՕ-ն վարժանքներ են անցկացրել Սև ծովում
19:06 | 2020-09-16
ԱՄՆ-ի և ՆԱՏՕ-ի ռազմածովային ուժերը համատեղ զորավարժություններ են անցկացրել Սև ծովում: Այդ մասին տեղեկացնում է Միացյալ Նահանգների վեցերորդ նավատորմը:
«Ադրիատիկ ծովում գործողություններից հետո ԱՄՆ ռազմածովային ուժերի և ՆԱՏՕ-ի ստորաբաժանումները, 2020 թ. Սեպտեմբերի 15-ին, կրկին իրականացրին Սև ծովում ռազմածովային և օդային համատեղ ուսումնական առաքելություն»,- ասված է հայտարարության մեջ:
Նշվում է, որ զորավարժություններին մասնակցել են ամերիկյան «Ռուզվելտ» կործանիչը, ԱՄՆ ռազմածովային ուժերի P-8 հետախուզական ինքնաթիռները և ՆԱՏՕ-ի՝ Գերմանիայում տեղակայված E-3A ինքնաթիռները՝ AWACS-ի վաղ նախազգուշացման և կառավարման համակարգով:
Հաղորդվում է, որ զորավարժությունների վերջնական նպատակը համատեղ պաշտպանական գործողությունների կատարելագործումն է ՝ ԱՄՆ ռազմածովային ուժերի նավերը ավելի լավ պաշտպանելու համար: