Վրաստանում կորոնավիրուսի երկու նոր դեպք է հայտնաբերվել, երեք հիվանդ առողջացել է
11:59 | 2020-06-30
Վրաստանում կորոնավիրուսի հաստատված դեպքերի թիվը հասել է 928-ի: Վերջին մեկ օրվա ընթացքում երկրում հայտնաբերվել է վարակի երկու նոր դեպք: Աջարիայում կորոնավիրուսը հաստատվել է երկու միջազգային ուղևորափոխադրումներ իրականացնող վարորդների մոտ:
Ըստ Կառավարության StopCov.ge պորտալի, ապաքինվածների թիվը 794 է`մեկ օրվա ընթացքում ապաքինվել է երեք հիվանդ:
Ներկայումս Վրաստանում փաստացի բուժում է ստանում 119 հիվանդ։
Կարանտինի մեջ է գտնվում 2809 մարդ, բժիշկների հսկողության տակ է՝ 229-ը։ Կորոնավիրուսի հիվանդությամբ առաջացած բարդություններից Վրաստանում մահացել է 15 մարդ։