Արայիկ Հարությունյանն ընդունել է ՀԲԸՄ հայաստանյան մասնաճյուղի նախագահ Վազգեն Յակուբյանին և Սասուն Բաղդասարյանին

Արայիկ Հարությունյանն ընդունել է ՀԲԸՄ հայաստանյան մասնաճյուղի նախագահ Վազգեն Յակուբյանին և Սասուն Բաղդասարյանին

Արցախի Հանրապետության նախագահ Արայիկ Հարությունյանը մայիսի 22-ին ընդունել է Հայ բարեգործական ընդհանուր միության հայաստանյան մասնաճյուղի նախագահ Վազգեն Յակուբյանին եւ ՀԲԸՄ Արցախի ներկայացուցիչ Սասուն Բաղդասարյանին: Նախագահ Հարությունյանը շնորհակալություն է հայտնել ՀԲԸՄ-ի՝ տարիներ ի վեր Արցախի հետ ունեցած սերտ համագործակցության համար, և նշել, որ հանրապետության իշխանություններն այսուհետ եւս պատրաստ են իրենց գործուն աջակցությունը բերելու միության ծրագրերի շարունակականության ապահովմանը: Վազգեն Յակուբյանը իր հերթին շնորհակալություն է հայտնել նախագահ Հարությունյանին ջերմ ընդունելության համար եւ շնորհավորել պաշտոնը ստանձնելու առթիվ: Նա ներկայացրել է միության կողմից Արցախում իրականացվող գյուղատնտեսական ու կրթական ոլորտներում իրականացվող ծրագրերը եւ հավաստիացրել, որ դրանք ապագայում ավելի կընդլայնվեն: