Հարավային Ամերիկան ​​դարձել է կորոնավիրուսի նոր էպիկենտրոն, հայտարարել է ԱՀԿ-ի առողջապահության ոլորտի արտակարգ իրավիճակների ծրագրի տնօրեն Մայքլ Ռայանը: Նա նշել է, որ համաճարակից ամենաշատը տուժել է Բրազիլիան: Բրազիլիայում վարակվածների թիվն անցել է 310 հազարը, երկիրը հիվանդների թվով երրորդ տեղում է աշխարհում: Ռայանը նշել է, որ իրավիճակը Հարավային Ամերիկայում մտահոգիչ է: Լատինական Ամերիկայի երկրներում վարակի դեպքերի թիվն աճում է: Բրազիլայից հետո մեծ թվով դեպքեր են գրանցվել Պերուում՝ 108 հազար և Չիլիում՝ 61 հազար: Էկվադորում վարակվածների թիվը հասել է 35 հազարի: