Ավստրալիացի գիտնականները պարզել են, որ բժշկության մեջ կիրառվող հակամանրէային դեղամիջոց Իվերմեկտինը կարող է դադարեցնել բջիջներում կորոնավիրուսի զարգացումը: Նրանց ուսումնասիրության արդյունքները հրապարակվել են Antiviral Research ամսագրում: Իվերմեկտինի մեկ չափաբաժինը 24 ժամվա ընթացքում հանգեցրել է վիրուսային ՌՆԹ-ի նվազմանը 93%-ով և ավելի քան 99%՝ 48 ժամվա ընթացքում: Ընդ որում, ուսումնասիրության ընթացքում չի հայտնաբերվել դեղամիջոցի թունավոր ազդեցությունը: