Ծայրահեղ ծանր վիճակում գտնվող հիվանդներից մեկն ԱՄՆ քաղաքացի է
11:20 | 2020-03-26
Հայաստանում այս պահի դրությամբ կորոնավիրուսի հաստատված դեպքերը 290-ն են: Հիվանդներից երկուսի վիճակը գնահատվում է ծայրահեղ ծանր: Այս մասին այսօր կառավարության նիստի մեկնարկին ասաց ՀՀ վարչապետ Նիկոլ Փաշինյանը:
«Նրանցից մեկն ԱՄՆ-ի քաղաքացի է և ազգությամբ հայ չէ, մյուսը ՀՀ քաղաքացի է: Երկուսն էլ գտնվում են տարիքային բարձր խմբում` 75-ից բարձր տարիք ունեն, գտնվում են ինտենսիվ թերապիայի բաժանմունքում են գտնվում»,-ասաց վարչապետը:
Վերջինս հավելեց, որ այս ընթացքում ունեցել ենք 18 առողջացած քաղաքացի և մոտ 100 քաղաքացի մեկուսացման ռեժիմից դուրս են եկել: Նիկոլ Փաշինյանն ընդգծեց, որ այսօր էլ սպասում են առողջացման և ապամեկուսացման դեպքերի: