Վրաց ուղղափառ եկեղեցու պատրիարքարանն Աստծո դեմ հանցագործություն է անվանել կորոնավիրուսի պատճառով տաճարներ այցելելու արգելքը: Չորեքշաբթի, մարտի 25-ին, հայտնել է «Վրացական հեռուստատեսության առաջին ալիքը»: Պատրիարքարանը հանձնարարականներ է տվել հավատացյալներին եկեղեցիներ այցելելու վերաբերյալ. Առողջական խնդիրների դեպքում մնալ տանը, եկեղեցում մարդկանց միջև հեռավորություն պահպանել: «Եկեղեցի այցելելու արգելքը նրանց համար, ում համար դա կենսական անհրաժեշտություն է, համարվում է ոչ արդարացված և Աստծո դեմ ուղղված հանցագործություն», - ասել է հայրապետությունը: Ավելի վաղ, Համայն Վրաստանի Կաթողիկոս Իլիա Երկրորդը քարոզի ժամանակ հայտարարել է, որ ինքը տեսիլք է ունեցել կորոնավիրուսի նկատմամբ մարդկության տարած հաղթանակի մասին: Մինչև ապրիլի 21-ը Վրաստանում արտակարգ դրություն է հայտարարված, իսկ երկու շրջաններում ՝ լիարժեք կարանտին: Արգելված են զանգվածային միջոցառումները, որոնց մասնակցում են ավելի քան 10 մարդ: Ըստ վերջին տվյալների՝ երկրում 73 մարդ վարակվել է կորոնավիրուսով, առողջացել է 10 հիվանդ: