Իսրայելի օդուժը հարվածներ է հասցրել Դամասկոսին
11:43 | 2020-02-14
Իսրայելական ռազմաօդային ուժերի ինքնաթիռները հրթիռային հարվածներ են հասցրել Սիրիայի մայրաքաղաքի թիրախների ուղղությամբ, հայտնում է The Jerusalem Post-ը:
Իր հերթին, սիրիական պետական ԶԼՄ-ները հայտնում են, որ սիրիական ՀՕՊ ուժերը հետ եմ մղել հրթիռային հարձակումը և խոցել են մի քանի հրթիռ:
Ենթադրվում է, որ հարվածների թիրախը զինամթերքի պահեստներն են եղել:
Նշենք, որ Իսրայելի զինված ուժերը պարբերաբար նման գրոհներ են իրականացնում Սիրիայի տարածքում: Որպես կանոն, թիրախներն այն օբյեկտներ են, որտեղ գտնվում են Սիրիայում կռվող լիբանանյան «Հըզբոլլահ» խմբավորման մարտիկները կամ էլ իրանցի ռազմական խորհրդատուները: