Չինաստանում սկսել են բուժել կորոնավիրուսը արյան փոխներարկման օգնությամբ
12:02 | 2020-02-14
Չինացի բժիշկները մշակել են կորոնավիրուսի հարուցած թոքաբորբի բուժման արդյունավետ միջոց: Այս մասին հայտնել է Չինաստանի պետական ունեցվածքի վերահսկման և կառավարման կոմիտեն:
Հիվանդներին սկսել են փոխներարկել այդ հիվանդությունից ապաքինված դոնորների արյան պլազմա: Այս մեթոդը թույլ է տվել փրկել ծանր վիճակում գտնվող արդեն տասնյակից ավելի հիվանդների. նրանց վիճակը բարելավել է բուժընթացից արդեն 12 - 24 ժամ անց:
Ապաքինվողների արյան մեջ հայտնաբերել են կորոնավիրուսի դեմ պայքարում մեծ քանակությամբ հակամարմիններ: Նշվում է, որ կենսանյութն անցնում է հատուկ ընթացակարգ, որի ժամանակ դրանում առկա վիրուսն ակտիվազերծվում է: