Թրամփը խոսել է Ռուսաստանի հետ միջուկային գործարքի մասին
23:02 | 2019-12-03
ԱՄՆ նախագահ Դոնալդ Թրամփը դեկտեմբերի 3-ին ՆԱՏՕ-ի գագաթնաժողովում հայտարարել է Ռուսաստանի և Չինաստանի հետ միջուկային համաձայնագիր կնքելու անհրաժեշտության մասին, հայտնում է REGNUM-ը:
«Ինչ վերաբերում է միջուկային զենքին, ես խոսեցի նախագահ Պուտինի հետ, մենք կապի մեջ ենք: Մենք ցանկանում ենք որոշակի միջուկային համաձայնագիր կնքել, որը որոշ փուլում կներառի Չինաստանը և այլ երկրներ»,- ասել է Թրամփը:
Միացյալ Նահանգների ղեկավարը հավելել է, որ Չինաստանն անպայման պետք է ներառվի միջուկային համաձայնագրում՝ միգուցե հիմա, հնարավոր է՝ ավելի ուշ:
Չինական լրատվամիջոցները նախօրեին գրել էին, որ իսկական միջուկային տերությունը Ճապոնիան է, և ոչ թե Ռուսաստանը կամ Միացյալ Նահանգները, և նրա հարևան երկրները պետք է զգոն լինեն: