Կրեմլում հաստատել են Պուտինի և Էրդողանի հանդիպումը հունվարի 8-ին

Կրեմլում հաստատել են Պուտինի և Էրդողանի հանդիպումը հունվարի 8-ին

Կրեմլը հաստատում է Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի հանդիպումը հունվարի 8-ին, նախնական տվյալներով՝ Ստամբուլում, լրագրողներին ասել է նախագահի մամուլի քարտուղար Դմիտրի Պեսկովը՝ տեղեկացնում է RIA Novosti-ն։ Մինչ այդ Էրդողանն ասել էր, որ «Թուրքական հոսք» գազատարի մեկնարկը կտրվի Ստամբուլում հունվարի 8-ին։ «Իսկապես, այդ օրը նախատեսվում է երկու նախագահների հանդիպումը, որի գլխավոր թեման «Թուրքական հոսքի» բացումն է, հենց այդ օրը կավարտվի խոշոր ու կարևոր միջազգային այդ նախագծի ցամաքային հատվածը թուրքական մասում»,- ասել է նա։ «Իհարկե, մեծ հավանակնությամբ կարելի է ենթադրել, որ երկու նախագահները կօգտագործեն այդ հնարավորությունը, որպեսզի շարունակեն երկխոսությունն ավելի հրատապ հարցերի վերաբերյալ։ Դրանք, առաջին հերթին, երկկողմ ռուս-թուրքական հարաբերություններն են, որոնք կրում են բազմապլան բնույթ, օրակարգում խոշոր շատ նախագծեր են, որոնց վերաբերյալ մշտապես պետք է խոսել և ձեռքը պահել դրանց զարկերակին»,- շարունակել է Պեսկովը։ Նա նաև նշել է, որ դրանք նաև տարածաշրջանային խնդիրներն են, այդ թվում սիրիականը։ Մամուլի քարտուղարն ավելացրել է, որ այսօրվա դրությամբ խոսքը Ստամբուլում միջոցառման մասին է, որին կմասնակցեն երկու երկրների նախագահները։