Անջելինա Ջոլին, որն այս գարնանը միացավ Marvel-ի կինոաշխարհին և «Հավերժները» ֆիլմի դերասանական կազմին, առաջին անգամ հայտնվել է իր հերոսուհի Թենայի հանդերձանքով՝ անմահ և անխոցելի աղջկա, որը կարող է մանիպուլացնել տիեզերական էներգիան: Նկարահանումները սկսվել են այս տարվա աշնանը, և այժմ մենք գիտենք, որ 44-ամյա դերասանուհին էկրաններին կհայտնվի երկար շեկ մազերով և ոսկեգույն, մարմինն ընդգրկող կոստյումով, այսինքն՝ Marvel-ի կոմիքսներին հոգեհարազատ կերպարով: