ԱՄՆ Սենատում ցանկանում են պատժամիջոցներ սահմանել Էրդողանի դեմ
07:50 | 2019-10-10
Վաշինգտոնը պետք է անհատական պատժամիջոցներ սահմանի Թուրքիայի նախագահ Ռեջեփ Թայիփ Էրդողանի դեմ՝ Սիրիայում թուրքական ռազմական գործողության համար։ Այդպիսի առաջարկությամբ բանաձևի նախագիծը հանրապետական Լինդսի Գրեմը հրապարակել է Twitter-ի իր էջում։
Նրան աջակցել է դեմոկրատ Քրիս Վան Հոլենը։
Բացի Էրդողանից, սենատորներն առաջարկում են պատժամիջոցները տարածել նաև Թուրքիայի փոխնախագահի և արտաքին գործերի, ազգային պաշտպանության, ֆինանսների, գանձապահության, առևտրի, ինչպես նաև էներգետիկայի նախարարների վրա։
Բանաձևի նախագիծն առաջարկում է այդ անձանց ակտիվների սառեցում ԱՄՆ-ի տարածքում, Թուրքիայի ղեկավարության դեմ վիզային սահմանափակումների սահմանում, թուրքական բանակին ամերիկյան զենք, պաշտպանության հետ կապված տեխնոլոգիաներ և ծառայություններ վաճառելու արգելք։