Թրամփը հայտարարել է, որ Չինաստանը զորքեր է տեղակայում Հոնկոնգի հետ սահմանին
23:34 | 2019-08-13
ԱՄՆ առաջնորդ Դոնալդ Թրամփը հայտարարել է, որ Չինաստանը զորքեր է տեղակայում Հոնկոնգի հետ սահմանին: Այս մասին նա գրել է Twitter-ում:
Նրա խոսքերով, դա հայտնի է դարձել Միացյալ Նահանգների հետախուզության տվյալներից:
«Մեր հետախուզությունը մեզ տեղեկացրել է, որ Չինաստանի իշխանությունները զորքեր են տեղափոխում Հոնկոնգի սահմանի մոտ»,- նշել է Թրամփը:
Նա հավելել է, որ բոլորին պետք է հանգստություն պահպանել և անվտանգության մեջ լինել:
Նախկինում հաղորդվում էր, որ Հոնկոնգում նոր բախումներ են տեղի ունեցել ցուցարարների և ոստիկանության միջև: