Mercury Online Magazine-ը գրում է, որ Գերմանիայի կանցլեր Անգելա Մերկելի երրորդ նոպայից հետո նրա առողջությունը դարձել է ոչ միայն գերմանական, այլև արտասահմանյան լրատվամիջոցների առաջատար թեման: Այսպիսով, The New York Times-ը նշում է, որ, որպես կանոն, Գերմանիայի կանցլերի առողջական վիճակը հանրային հետաքրքրություն չի ներկայացնում, սակայն Մերկելի հետ միջադեպը դարձել է բոլոր լրատվական պորտալների գլխավոր թեման և քննարկվել է շուրջօրյա լրատվական հեռուստաալիքներում: The TIME-ը նշում է, որ տվյալների պաշտպանության մասին օրենքը խստորեն պաշտպանում է նման տեղեկատվությունը, ներկայումս հանրությանն անհայտ է, թե արդյո՞ք կանցլերն առողջական խնդիրներ ունի: Մերկելը հայտնի է երկար տարիներ մինչև ուշ գիշեր ձգվող բանակցություններին մասնակցությամբ, միևնույն ժամանակ նա հազվադեպ է կրճատել իր աշխատանքային գրաֆիկը: Die Saechsische Zeitung-ը համաձայն է, որ կանցլերի առողջությունը նրա անձնական գործն է, սակայն կառավարության ղեկավարի մասնավոր ոլորտը ավարտվում է այնտեղ, որտեղ հիվանդությունը զգալիորեն սահմանափակում է պարտականությունների կատարումը: Մերկելի նոպաները փակ դռների ետևում չեն տեղի ունեցել, այլ ամբողջ աշխարհի աչքի առաջ: Պարբերականը նշում է, որ երբևէ «համոզիչ հայտարարության» անհրաժեշտություն կլինի այն մասին, թե արդյոք նա բավականաչափ ուժ և կարողություն ունի զբաղեցրած պաշտոնի համար: Die Suedwest Presse-ը գրում է, որ մինչ օրս առավել ճշգրիտ ախտորոշումն այն է, որ «կանցլերը մարդ է»: