Էներգետիկ համակարգում տեղի ունեցած վթարի դեպքով ունենք երկու վարկած. Տիգրան Ավինյան
15:11 | 2019-07-12
Էներգետիկ համակարգում տեղի ունեցած վթարի դեպքով ծառայողական քննություն է նշանակվել, այսօր լրագրողների հետ ճեպազրույցում ասաց ՀՀ փոխվարչապետ Տիգրան Ավինյանը։
«Ծառայողական քննությունը բոլոր հարցերի պատասխանները կտա», - ասաց նա։
Փոխվարչապետը նշեց, որ ունեն երկու վարկած՝ արտաքին և ներքին գործոնների հետ կապված։
«Մանրամասն ուսումնասիրություններից հետո, համոզված եղեք, որ թափանցիկ ձևով այդ ինֆորմացիան հասանելի կլինի», - ասաց Տիգրան Ավինյանը։