ՌԴ նախագահ Վլադիմիր Պուտինի մամլո խոսնակ Դմիտրի Պեսկովի դուստրը՝ Ելիզավետան մասնակցել է Մոսկվայում լրագրող Իվան Գոլունովի աջակցության համար կազմակերպված չարտոնված ակցիային: Աղջիկն Instagram-ի իր էջում կարճ stories է տեղադրել, սակայն հետագայում այն ջնջել է: Ականատեսները նկարահանել են, որ Պեսկովի դուստրը երիտասարդի ընկերակցությամբ ներկա է եղել ակցիային: Միևնույն ժամանակ նա փորձել է ինչ-որ բան նկարել հեռախոսով, գրում է Znak-ը: Ինչպես հաղորդում է UNIAN-ը, Մոսկվայի կենտրոնում ավելի քան 100 մարդ է ձերբակալվել քաղբանտարկյալների ազատ արձակման համար չարտոնված ակցիայի ժամանակ: Երթի անցկացման առիթ է հանդիսացել «Մեդուզա» պարբերականի հետաքննող- լրագրող Իվան Գոլունովի ձերբակալությունը: