Բլանը 20 մլն եվրո կստանա ՊՍԺ-ից հեռանալու համար
10:26 | 2016-06-21
ՊՍԺ-ի գլխավոր մարզիչ Լորան Բլանն, ամենայն հավանականությամբ, կլքի ակումբը: Ֆրանսիացի մասնագետի գործակալը հայտարարել է, որ դա տեղի կունենա մինչև ընթացիկ շաբաթվա ավարտը:
Ընդ որում, Բլանը, ով նախորդ մրցաշրջանում երկարաձգել է փարիզյան ակումբի հետ գործող պայմանագրի ժամկետը, 20 մլն եվրո փոխհատուցում կստանա: Ենթադրվում է, որ Բլանի տեղը կզբաղեցնի «Սևիլիա»-ի գլխավոր մարզիչ Ունաի Էմերին:
Հիշեցնենք, որ Բլանը գլխավորել է ՊՍԺ-ն 2013 թվականին: Նրա գլխավորությամբ ակումբը 3 անգամ Ֆրանսիայի չեմպիոն է դարձել, երկու անգամ նվաճել Ֆրանսիայի գավաթը, 3-ական անգամ էլ դարձել է Լիգայի գավաթակիր և Ֆրանսիայի սուպերգավաթակիր: