Աֆղանստանը վերահսկող «Թալիբան» շարժման առաջնորդ Հայբաթուլլա Ախունդզադան հրահանգել է ստեղծել հատուկ ստորաբաժանում՝ «Իսլամական պետության» և մյուս խմբավորումների դեմ պայքարելու համար: Այս մասին տեղեկանում է «Ինտերֆաքս» գործակալությունից: Նշվում է, որ Afghanistan International լրատվական հարթակի համաձայն՝ թալիբների առաջնորդը խմբավորման ռազմական հանձնաժողովին ուղղված նամակում կարգադրել է «Թալիբան»-ի գործազուրկ զինյալներին մոբիլիզացնել այս ստորաբաժանման մեջ: Ըստ հրապարակման՝ ստորաբաժանումը հանդերձված կլինի ժամանակակից տեխնիկայով, այն գործողություններ կանցկացնի խմբավորման կողմից ձեռք բերված հետախուզական տեղեկատվության հիման վրա։ Ներքին գործերի նախարարությունը դիմել է Աֆղանստանի նահանգային իշխանություններին՝ պահանջելով պատրաստել գործազուրկ թալիբների ցուցակը։ Հրատարակությունը նշում է, որ թալիբների առաջնորդները մտահոգված են ԻՊ-ին և այլ խմբավորումներին գործազուրկ գրոհայինների միանալու հանգամանքից։