Վրաստանի խորհրդարանի մոտ բողոքի ցույց է՝ «Օտարերկրյա ազդեցության թափանցիկության» օրինագծի դեմ
21:40 | 2024-04-15
Խորհրդարանի դիմաց բողոքի ցույց է։ Հավաքվածները բողոքում են «Օտարերկրյա ազդեցության թափանցիկության մասին» օրենքի նախագծի դեմ։ Հանրահավաքի մասնակիցների թվում են ընդդիմադիր քաղաքական կուսակցությունների և հասարակական կազմակերպությունների ներկայացուցիչներ։
Ինչպես հանրահավաքում ասաց բանաստեղծ Ռատի Ամաղլոբելին, «Վրացական երազանքը» պետք է չեղարկի նշված օրինագիծը։
«Մենք չպետք է հոգնենք. «Վրացական երազանքը» հիմա ձգձգում է այս գործընթացը, և մենք պետք է համառորեն կանգնենք այստեղ՝ հիմնական արդյունքի հասնելու համար։ Հիմնական արդյունքը նվազագույնն է՝ ընդհանրապես չեղարկել այս օրենքը և նետել այն պատմության աղբանոցը»,- ասել է Ռատի Ամաղլոբելին։
Խորհրդարանում, իրավական հարցերի հանձնաժողովի նիստում, առավոտից ընթանում է «Օտարերկրյա ազդեցության թափանցիկության մասին» օրենքի նախագծի առաջին ընթերցումը։