Բլինքենը վերահաստատել է ԱՄՆ-ի աջակցությունը Ղազախստանի ռեֆորմներին
16:13 | 2022-11-29
ԱՄՆ պետքարտուղար Էնթոնի Բլինքենը Ղազախստանի անկախությանը, ինքնիշխանությանը և տարածքային ամբողջականությանը ԱՄՆ-ի հաստատակամ աջակցության և ԱՄՆ-Ղազախստան ընդլայնված ռազմավարական գործընկերության թեմայով նոյեմբերի 26-ին զրուցել է Ղազախստանի արտգործնախարար Թիլյուբերդիի հետ։
Բլինքենը քննարկել է նոյեմբերի 20-ի ղազախստանյան նախագահական ընտրությունները և երկրի կողմից միջազգային դիտորդներին ընդունելու հարցերը։ Պետքարտուղարը նաև վերահաստատել է Միացյալ Նահանգների աջակցությունը նախագահ Տոկաևի բարեփոխումներին և ընդգծել, որ դրանց լիարժեք իրականացումը կարևոր կլինի բարգավաճ Ղազախստան և ապահով Կենտրոնական Ասիա ունենալու համար։