Զելենսկին հանդիպել է եվրոպական յոթ երկրների արտգործնախարարների հետ
16:03 | 2022-11-29
Ուկրաինայի նախագահ Վլադիմիր Զելենսկին հանդիպել է Կիև այցով ժամանած Էստոնիայի, Իսլանդիայի, Լատվիայի, Լիտվայի, Նորվեգիայի, Ֆինլանդիայի և Շվեդիայի արտգործնախարարների հետ։ Այս մասին ասված է պետության ղեկավարի պաշտոնական կայքում։
Զելենսկին շնորհակալություն է հայտնել բալթյան և հյուսիսային Եվրոպայի երկրներին՝ Ուկրաինայի տարածքային ամբողջականության և անկախության պաշտպանության հարցում մշտապես ակտիվ և արդյունավետ օգնության համար։
Ուկրաինայի նախագահն ընդգծել է, որ այս դժվարին պահին արտաքին գերատեսչությունների ղեկավարների այցը շատ կարևոր է։