Գերմանիայի Գյունցբուրգ քաղաքի Legoland զվարճանքի պուրակում կառուսել գնացքների բախման հետևանքով առնվազն 34 մարդ է տուժել։ Այս մասին հայտնում են գերմանական ԶԼՄ-ները՝ հղում անելով տեղի ոստիկանությանը։ Նշվում է, որ տուժողներից երկուսի վիճակը գնահատվում է ծանր, նրանք լուրջ վնասվածքներ են ստացել։ Փրկարարական աշխատանքներին մասնակցում է երեք ուղղաթիռ, ինչպես նաև շտապօգնության 15 մեքենա։ Դեպքի առթիվ ոստիկանությունը հետաքննություն է սկսել։