ԱԺ ընդդիմությունից ավելի շատ են զզվում, քան իշխանությունից
22:45 | 2022-05-23
Խորհրդարանական ընդդիմությունը դարձել է մեր հանրային կյանքի կույրաղիքը: «Առաջին լրատվական»-ի հետ զրույցում նման տեսակետ հայտնեց «Արդար Հայաստան» կուսակցության նախագահ Նորայր Նորիկյանը:
Նրա խոսքով` Գործ ունենք անբովանդակ օրակարգի հետ, որը պսակվելու է անհաջողությամբ:
Նորիկյանը կարծում է, որ եթե փողոցային այս գործընթացը ունենար հանրային աջակցություն, իշխանությանը մանևրելու հնարավորություն կունենար. «Վարկաբեկված ընդդիմությունը միջազգային ասպարեզում ստեղծեց տպավորություն, որ ցանկացած հարց Փաշինյանը կարող է միայնակ որոշել: Մի իրավիճակ է, որ գործող խորհրդարանական ընդդիմությունից ավելի շատ են զզվում, քան իշխանությունից»:
Նորայր Նորիկյանն իր վրդովմունքն հայտնեց` նշելով, որ երբ Հայաստանի թրքացման, կամ դավաճանության մասին խոսում է ՀՅԴ-ն, որպես ՀՀ քաղաքացի վիրավորվում ես. «Փաշինյանից պատասխանատվություն պահանջողը այդ փոքր մարդիկ չեն: Փաշինյանը հավերժ չէ և մի օր հեռանալու է, բայց ոչ այս ընդդիմության միջոցով»: