«ԱՄՆ-ն պատրաստ է նպաստել Հայաստանի և Ադրբեջանի միջև հարաբերությունների հաստատման գործընթացի ակտիվացմանը»․ Բայդեն
23:50 | 2022-05-20
ԱՄՆ նախագահ Ջո Բայդենը շնորհավորական ուղերձ է հղել Ադրբեջանի նախագահ Իլհամ Ալիևին՝ մայիսի վերջին նշվող տոնի՝ Անկախության օրվա կապակցությամբ։
Ուղերձում նշվում է, որ Միացյալ Նահանգները պատրաստ է աջակցել Ադրբեջանի և Հայաստանի միջև հարաբերություններ հաստատելու գործընթացի ակտիվացմանը։
«ԱՄՆ-ն պատրաստ է պատրաստ է նպաստել Ադրբեջանի և Հայաստանի միջև դիվանագիտական շփումների ակտիվացմանը և Ադրբեջանի և Հայաստանի միջև տնտեսական, տրանսպորտային և միջանձնային կապերի հաստատմանը, ինչը բարգավաճելու հնարավորություն կտա ամբողջ Կովկասին և Անդրկասպյան տարածաշրջանին»,- նշված է Բայդենի ուղերձում։