«Հայաստանի հետ տարածաշրջանային հաղորդակցությունների բացման հարցում առաջընթաց չկա»․ Ադրբեջանի վարչապետ
18:57 | 2022-05-20
Ադրբեջանի վարչապետ Ալի Ասադովը նշել է, որ իր երկրի և Հայաստանի միջև տնտեսական և տրանսպորտային կապերի ապաշրջափակման հարցում առաջընթաց չկա։ Այդ մասին հայտնել է Ադրբեջանի վարչապետի մամուլի ծառայությունը։
«Չնայած եռակողմ աշխատանքային խմբի շրջանակներում ընթացող հանդիպումներին, եռակողմ հայտարարության 9-րդ կետի համաձայն տարածաշրջանում տնտեսական և տրանսպորտային կապերի ապաշրջափակման հարցում առաջընթաց չկա»։ Այդ մասին հայտարարել է Ադրբեջանի վարչապետը՝ ելույթ ունենալով ԱՊՀ երկրների կառավարությունների ղեկավարների խորհրդի նիստում, տեսակոնֆերանսի միջոցով։
Ադրբեջանի վարչապետը հավելել է, որ Բաքուն «մոտ ապագայում լուրջ առաջընթաց է ակնկալում երկու հարցերում և անհրաժեշտ է համարում այդ ուղղությամբ քայլեր ձեռնարկել»։