Գերմանիայի կանցլերը կմասնակցի Համաշխարհային տնտեսական ֆորումին
01:00 | 2022-05-19
Գերմանիայի կանցլեր Օլաֆ Շոլցը մայիսի 26-ին կմեկնի Դավոս, որտեղ կմասնակցի Համաշխարհային տնտեսական ֆորումին։ Այս մասին լրագրողներին հայտնել է Գերմանիայի կառավարության ներկայացուցիչ Քրիստիանե Հոֆմանը։
«Օրվա առաջին կեսին կանցլերը ելույթ կունենա լիագումար նիստում, բացի այդ, մտքեր կփոխանակի բիզնեսի ներկայացուցիչների հետ»,- ասել է Հոֆմանը։
Համաշխարհային տնտեսական ֆորումը կանցկացվի մայիսի 22-ից 26-ը։