Բայդենը ժամանեց Ժնև, որտեղ վաղը կհանդիպի Պուտինին
22:21 | 2021-06-15
Երեքշաբթի ԱՄՆ նախագահ Բայդենի ինքնաթիռը վայրէջք է կատարել Ժնևում, որտեղ հաջորդ օրը հանդիպում կանցկացնի Ռուսաստանի Դաշնության ղեկավար Վլադիմիր Պուտինի հետ: Հաղորդում է «Ռիա Նովոստին»։
Պուտինի ու Բայդենի հանդիպումը տեղի կունենա հունիսի 16-ին:
Ռուսաստանի Դաշնության նախագահի օգնական Յուրի Ուշակովն ավելի վաղ ասել էր, որ այդ բանակցությունների ընթացքում նախատեսվում է քննարկել «երկկողմ հարաբերություններում առկա խնդիրները»:
Ակնկալվում է, որ երկու երկրների ղեկավարները կքննարկեն ռազմավարական կայունության, COVID-19- ի հակազդման, կիբերհանցագործությունների դեմ պայքարի, ինչպես նաև տարածաշրջանային խնդիրներ, ներառյալ իրավիճակը Մերձավոր Արևելքում, Ուկրաինայում և Լեռնային Ղարաբաղում: