«Siktir git, Mr. Erdogan». Թուրքիան կանչել է Հունաստանի դեսպանին՝ թերթում հրապարակված կոպիտ արտահայտության պատճառով

«Siktir git, Mr. Erdogan». Թուրքիան կանչել է Հունաստանի դեսպանին՝ թերթում հրապարակված կոպիտ արտահայտության պատճառով

Թուրքիայի արտգործնախարարությունը կանչել է Հունաստանի դեսպանին`հունական թերթի վիրավորական վերնագրի պատճառով, որը վերաբերում է Թուրքիայի նախագահ Ռեջեփ Թայիփ Էրդողանին: Այդ մասին հայտնում է «Եվրոպեյսկայա պրավդան»՝ հղում անելով Hurriyet-ին: Թուրքիայի արտգործնախարար Մևլութ Չավուշօղլուն ասել է, որ իր գերատեսչությունը կոշտ է պատասխանել Հունաստանի դեսպան Միխայել-Քրիստոս Դիամեսիսին` Էրդողանի մասին հունական «Ժողովրդավարություն» թերթում գռեհիկ վերնագրի համար: Չավուշօղլուն նշել է, որ երկու երկրների լրատվամիջոցների համար էլ բնականոն է  միմյանց քաղաքական գործիչներին քննադատելը, երբեմն կոշտ, բայց մամուլի ազատությունը չի նշանակում վիրավորանքի ազատություն: Հունական թերթի խորագիրը գրված է թուրքերեն՝ Siktir git, Mr. Erdogan: Նշենք, որ այս վերնագրով հոդված տպագրած թերթը, ըստ Վիքիպեդիայի տեղեկատվության, տաբլոիդ է և չունի զգալի տպաքանակ: Թուրքական որոշ լրատվամիջոցներ ռետուշել են թերթի սկանդալային վերնագրի մի մասը՝ ցուցարելով առաջին էջի պատկերը: