ԱՄՆ իշխանությունները 10 միլիոն ԱՄՆ դոլարի պարգևատրում են հայտարարել յուրաքանչյուրի համար, ով տեղեկատվություն կտրամադրի ընտրություններին միջամտող անձանց մասին, հայտնում է ՌԻԱ «Նովոստին»՝ վկայակոչելով ԱՄՆ պետքարտուղար Մայք Պոմպեոյի հայտարարությունը: «Պետդեպարտամենտի՝ «Արդարության համար պարգևատրում» ծրագիրը մինչև 10 միլիոն դոլար պարգևատրում է առաջարկում այն անձանց նույնականացման կամ հայտնաբերման համար, որոնք, գործելով արտասահմանյան կառավարությունների պատվերով կամ վերահսկողությամբ, միջամտում են ԱՄՆ ընտրություններին», - հայտարարել է Պոմպեոն: Նա նշել է, որ տվյալ պնդումը վերաբերում է նաև Ռուսաստանին և նրա «նենգամիտ գործող անձանց»: