Վրաստանը ուկրաինական կողմին կխնդրի պարզաբանել երկրի նախկին նախագահի՝ Ուկրաինայի բարեփոխումների ազգային խորհրդի գործադիր կոմիտեի ղեկավար Միխայիլ Սահակաշվիլիի խոսքերը, որն ավելի վաղ հայտարարել էր, որ չի ճանաչում Վրաստանի ներկայիս ղեկավարության լեգիտիմությունը: Այս մասին հաղորդել է «ՌԻԱ Նովոստին»՝ Վրաստանի պաշտպանության և անվտանգության հարցերով խորհրդարանական հանձնաժողովի ղեկավար Իրակլի Սեսիաշվիլիին հղումով: Սահակաշվիլին ավելի վաղ իր ֆեյսբուքյան էջում հայտարարել էր, որ չի ճանաչում Վրաստանի իշխանությունների լեգիտիմությունը: Նա նաև ասել էր, որ «առաջնագծում» է լինելու հոկտեմբերի վերջին Վրաստանում անցկացվելիք խորհրդարանական ընտրությունների ժամանակ: Սեսիաշվիլիին փաստել է, որ Վրաստանի նախկին առաջնորդը հանդիսանում է Ուկրաինայի իշխանությունների ներկայացուցիչը և հանրային անձ է Ուկրաինայում: Այդ կապակցությամբ, Սահակաշվիլիի հայտարարությանը, որում նա մատնանշում է վրացական կառավարության ոչ լեգիտիմությունը, կհետևի պատասխան արձագանք: «Պատասխանը կպահանջվի Ուկրաինայից»,- ասել է Սեսիաշվիլին: Քաղաքական գործիչը նաև նշել է, որ իր «քարոզչական ելույթներով» Սահակաշվիլին միջամտում է Վրաստանի ներքին գործերին»: