Վրաստանի քաղաքացի Սանդրո Չումաշվիլի անվամբ օգտատերը gopetition.com կայքում ստորագրահավաք է սկսել՝ դիմելով երկրի կառավարությանը և խնդրելով օգնության ձեռք մեկնել Հայաստանին կորոնավիրուսի դեմ պայքարում։ «Մենք խնդրում ենք Վրաստանի կառավարությանն այս դժվարին պահին մտածել հարևան երկրին օգնելու մասին: Մենք ցանկանում ենք Հայաստանին օգնություն առաջարկել այնտեղ վարակված անձանց Վրաստանում բուժելու տարբերակով: Մենք կարծում ենք, որ դա ճիշտ քայլ կլինի հարևան երկրին օգնելու և տարածաշրջանում համաճարակային իրավիճակը շտկելու ուղղությամբ»,-ասված է ստորագրահավաքին կից  գրության մեջ: