Խնդրում եմ կառավարությանը՝ Նորագավիթից այն կողմ էլ նայեք ինչ կա. Ապրիլյանի պատերազմում զոհված զինվորի հայր
16:33 | 2020-04-02
Զոհված զինծառայող Ռոբերտ Աբրահամյանի հայրը՝ Աբրահամ Աբրահամյանն այսօր Եռաբլուր զինվորական պանթեոնում էր՝ հարգանքի տուրք մատուցելու ապրիլյան զոհերի հիշատակին։
«Առաջին լրատվական»-ի հետ զրույցում Աբրահամ Աբրահամյանը դժգոհեց, որ Կառավարությանն կողմից պատշաճ աջակցության չեն արժանանում։ Նրա խոսքով՝ դեռ 2016 թվականից առաջ, բանկերի հետ կապված խնդիրներ է ունեցել, դասակարգվել է, հիմա չի կարող ոչ մի ծրագրից օգտվել։
Աբրահամ Աբրահամյանը, ով ապրում է Արարատի մարզի Տափերական գյուղում, զբաղվում է գյուղատնտեսությամբ, որդու զոհվելուց հետո դժվարությամբ է կարողանում հոգալ ընտանիքի հոգսերը։ Բանկերում ունեցած խնդիրների պատճառով անգամ չի կարողանում օգտվել անտոկոս գյուղատնտեսական վարկերից։ Զոհված զինծառայողի հայրը Կառավարությունից խնդրում է իրեն ու իր նման ծնողների խնդիրները բանկերի հետ կապված լուծել, ընդառաջել։
Մանրամասները՝ տեսանյութում