Թուրքիայում ավերիչ երկրաշարժից մեկ օր անց երկուամյա մի աղջնակի են հանել փլատակներից, հայտնում է РИА Новости-ն՝ հղում անելով երկրի առողջապահության նախարար Ֆահրետտին Կոջուին: Աղջիկն ու մայրը հայտնաբերվել են Էլազիգ քաղաքի փլատակներում: Կնոջ փրկարարական աշխատանքները շարունակվում են, փրկարարները նրան տրամադրել են անհրաժեշտ դեղամիջոցներ և պահպանում են ձայնային կապը: Երեխան գիտակից վիճակում է, նրան հոսպիտալացրել են: Հունվարի 24-ի երեկոյան Թուրքիայի Մալաթիա և Էլազիգ նահանգներում երկրաշարժ է տեղի ունեցել: Վերջին տվյալների համաձայն՝ ողբերգության հետևանքով մահացել է 29 մարդ: