Ստեղծվել է լուսնի փոշուց թթվածին արտադրելու սարք
19:55 | 2020-01-21
Եվրոպական տիեզերական գործակալության Տիեզերական հետազոտությունների և տեխնոլոգիաների եվրոպական կենտրոնը ստեղծել է սարք, որը թթվածին է արդյունահանում լուսնի փոշուց: Այս մասին հաղորդվել է ESA-ի պաշտոնական կայքում:
Սարքավորման աշխատանքային նախատիպը կարող է թթվածին արտադրել ռեգոլիթից: Գիտնականները պլանավորում են գործնականում փորձարկել մեխանիզմը: Մինչ այժմ այն աշխատել է միայն Երկրի վրա ստեղծված ռեգոլիթի պատճենով:
Գիտնականները նշում են, որ հաջողության դեպքում տեխնոլոգիան կօգնի ստեղծել բնակավայրեր լուսնի վրա: Նաև թթվածինը կարող է օգտագործվել տեղական հրթիռային վառելիք ստեղծելու և միջմոլորակային հրթիռները վերալիցքավորելու համար:
Լուսնային փոշին բաղկացած է ռեգոլիթից, որը պարունակում է մոտ 40-45% թթվածին: