Գյումրիի «Շիրակ» ֆուտբոլային ակումբը ձմեռային տրանսֆերային պատուհանի ընթացքում նոր ձեռքբերում ունի: Այս մասին հայտնում է ակումբի մամուլի ծառայությունը: Թիմի կազմն է համալրել 29-ամյա կիսապաշտպան Դավիթ Մանոյանը: Մանոյանը հանդես է եկել արտասահմանյան մի շարք ակումբներում՝ «Կարմիոտիոս»-ում (Կիպրոս), «Նեա Սալամինա»-ում (Կիպրոս), «Սանդեցյա»-ում (Լեհաստան) և «Ռաբոտնիչկի»-ում (Մակեդոնիա): Նրա նախորդ ակումբը Երևանի «Նոա»-ն էր: Կիսապաշտպանը 26 հանդիպում է անցկացրել Հայաստանի ազգային հավաքականի կազմում: Ֆուտբոլիստի հետ կնքվել է պայմանագիր մինչև այս մրցաշրջանի ավարտը: