Էրդողանի ապագա մրցակիցն ընդգրկվել է Bloomberg-ի 50 ամենահաջողակ անձանց ցուցակում
15:42 | 2019-12-12
Bloomberg ամերիկյան գործակալությունը Ստամբուլի ընդդիմադիր քաղաքապետ Էքրեմ Իմամօղլուին ընդգրկել է 2019-ի աշխարհի ամենահաջողակ մարդկանց ցուցակում:
Ցուցակը կազմվել է գործակալության՝ աշխարհի տարբեր երկրներում աշխատող թղթակիցների ու խմբագիրների քվեարկության արդյունքների հիման վրա:
Ըստ Bloomberg-ի, վերջինս հունիսի 23-ին Ստամբուլի ընտրությունների ժամանակ հաղթել է Ստամբուլի քաղաքապետի ընտրություններում՝ ի հեճուկս իրենց թեկնածուին քաղաքապետ դարձնելու Էրդողանի ու նրա թիմակիցների ջանքերի:
Գործակալությունը նաև նշում է, որ Իմամօղլուն 2023 թվականին սպասվող նախագահական ընտրություններում լինելու Էրդողանի գլխավոր մրցակիցը:
Ի դեպ, Bloomberg-ի ցուցակում են ընդգրկվել նաև երգչուհի Ռիհաննան, Քայլի Ջենները, շվեդ էկոակտիվիստուհի Գրետա Թունբերգը, Նոր Զելանդիայի վարչաապետ Ջասինդա Արդերնը և այլք: