Մեքսիկայում իր կարիքները բակում բավարարել ցանկացող տղամարդը սպանել է անցորդներին
12:50 | 2019-12-08
Մեքսիկայի մայրաքաղաք Մեխիկոյում տղամարդը նախագահական նստավայրից ոչ հեռու հրաձգություն է կատարել, ինչի հետևանքով զոհվել է 4 մարդ: Այս մասին հաղորդում է Reuters-ը:
Ոստիկանության տվյալներով՝ շենքերից մեկի բնակիչները նկատողություն են արել տղամարդուն, որը ցանկացել է իր կարիքները բավարարել բակում: Դրանից հետո նա կրակ է բացել:
Դեպքի վայր ժամանած ոստիկանները տղամարդուց պահանջել են հանձնվել, սակայն նա դիմադրություն է ցույց տվել և չեզոքացվել է:
Տեղի ունեցածի հետևանքով, բացի կրակողից, զոհվել են 3 մարդ, ևս երկուսը վիրավորվել են: