«Ֆավորիտուհին» ֆիլմը ստացել է «եվրոպական Օսկար»
12:25 | 2019-12-08
Բեռլինում հանձնվել են Եվրոպական կինոակադեմիայի մրցանակները: Արարողության ժամանակ հայտարարվել է կազմակերպության ստեղծման մասին, որը կինեմատոգրաֆիստներին կօգնի ռիսկի գոտում:
32-րդ արարողությանը Եվրոպական կինոակադեմիան լավագույն եվրոպական ֆիլմ է ճանաչել «Ֆավորիտուհին» ֆիլմը, որը 18-րդ դարի Մեծ Բրիտանիայում պալատական ինտրիգների մասին է:
Լավագույն ռեժիսոր է ճանաչվել Յորգոս Լանտիմոսը այդ ֆիլմի վրա աշխատանքի համար: Իսկ դրանում անգլիացի թագուհու դերակատար Աննա Օլիվիա Քոլմանը ճանաչվել է լավագույն եվրոպացի դերասանուհի: Եվրոպական կինոակադեմիան լավագույն դերասան է համարել Անտոնիո Բանդերասին: Նա խաղացել է իսպանացի ռեժիսոր Պեդրո Ալմոդովարի «Ցավ և փառք» ֆիլմում: